الحوّجة مُرّة

walaa farouk · رقم المشاركة : ( 1 ) 18 - 02 - 2020, 07:16 AM

الحوّجة مُرّة .

مش بس مرة ، دي أمّر المرار ..

الحوجة انك تبقي محتاج خدمة، و من حقك
، و تقف علي باب حد يذلك و يلاوعك
، و يلعب بيك ، و يتسلي بمشاعرك المدبوحة
، و احيانا يتمايل طرباً و هو بيتشفي منك ..

الحوجة انك تبقي متعشم في حد
، و هو عنده اللي يساعدك بيه ، كلمة تشجيع
، يرفع تليفون يكلملك حد في مساعدة
، يرد حتي علي تليفونك و لو بعد شوية و يحس بيك
، و ما تلاقيهوش..

الحوجة يعني أن حد سابك و بعد و اتقلب عليك
تبقي عاوزه يفهمك ليه بعد عنك و قسي قلبه ناحيتك
، و هو مش عاوز يريحك و لا يفهمك هو بيعمل فيك كده ليه
.. و يسيبك تتقلب في نار الحيرة و الوجع ،
و هو مش مكلف خاطره حتي يحس بيك ..

الحوجة انك تبقي نِفسك أن الناس يحسوا بيك من اول كلمة
، و اول نظرة ، و يِفهموا أن الاحتياج ذل و كسرة نفس
، و انه عزيز عليك انك تتحايل علي حد
و تقل من قيمتك و انت مستنيه يرد عليك و يبيع و يشتري فيك ، و يسففك الُمر علشان حتي يرد و يقول ايوه ( أو حتي لأ !! )
و هو عارف قامتك و قيمتك ..

و تلف مهما تلف ، مفيش غير ربنا و بس اللي حاسس بينا
و يكفينا نار الحوجة..

و لو لي طلبة واحدة باقولها له تبقي "اديني اقل حاجة من ايدك بس ما تحوجنيش لغيرك
دكتور /مجدى اسحق" ..

سندريلا الحياة · 18 - 02 - 2020, 07:35 AM

ااااه عالذل والحوجه

Mary Naeem · 18 - 02 - 2020, 12:26 PM

مفيش غير ربنا و بس اللي حاسس بينا

و يكفينا نار الحوجة..

آمين يا رب

walaa farouk · 22 - 02 - 2020, 09:11 PM

ميرسى على مروركم الغالى الحوّجة مُرّة

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري