✅بالأدلة الكتابيه الفرق بين صلاة المؤمنيين بعضهم لبعض وهم أحياء بالجسد

[لمسة يسوع]

✅بالأدلة الكتابيه الفرق بين صلاة المؤمنيين بعضهم لبعض وهم أحياء بالجسد

🔺وبين كلمة شفاعه التي تخص فقط المسيح كلمة الله وتخص الروح القدس

❓ وليه مينفعش نجمع الكلمتين دول مع بعض اللي همه كلمة ((الشفاعه)) وكلمة ((التوسلية))

🔰 وده لأن مواصفات اللي بيطلق عليه شفيع ويستحق

يكون شفيع مينفعش أصلا نقول عليه انه بيتوسل

المعنيين عكس بعض

🔰 لا يمكن نطلق كلمة شفيع علي شخص وفي نفس الوقت

يتوسل لأن الشفيع هو شخص له القدرة الذاتيه والمؤهلات

علي تخليص أي أمر بنفسه دون التوسل لأحد

تعالوا نفك "اللغز" والخلط اللي مؤمنين كتير عايشين فيه

لاهوتياً ولغوياً. في مصطلح الشفاعه التوسلية

❎ المصطلح ده في حد ذاته عامل زي اللي بيقول

"مربع مستدير".. كلمتين عكس بعض ومينفعش يركبوا مع بعض اصلاً

تعال نفهم الإنجيل والمنطق بيقولوا إيه وحده وحده:

◀️ 1. من هو "الشفيع" ؟

الشفيع في اللغة وفي اللاهوت مش ساعي بريد، ولا شخص

واقف يترجى ويستعطف

* الشفيع هو شخص عنده "قدرة ذاتية" ومؤهلات وصك

قانوني يخليه يخلص أي موضوع بنفسه من غير ما يتذلل لحد.

* الشفيع بيقدم "حجة قانونية مؤكدة" بناءً على استحقاقه هو.

◀️ 2. وإيه هو معني "التوسل"؟ اللي عكس التشفع تماما

* التوسل ده فعل بيعمله الشخص الضعيف، العاجز، اللي

ملوش أي استحقاق، فيقعد يستعطف الطرف القوي عشان

ينال رضا أو عفو أو تنفيذ طلب

◀️3. إيه المغالطه اللاهوتية والكتابية اللي حصلت :

هي إن مينفعش نجمع الكلمتين على نفس الشخص،

لو القديس بيقعد يتوسل ويترجى ويستعطف ربنا عشان

خاطرك ، يبقى هو مش "شفيع"

ده مجرد طالب رحمة عاجز زيي زيك.

ولو هو "شفيع" وعنده القدرة، يبقى مش محتاج يتوسل،

فجمع كلمتين عكس بعض لتحويل القديسين لـ "وسائط

ومحسوبيات بشرية" تحنن قلب ربنا علي البشر ،

ده تشويه كامل لكلمة حق الإنجيل.

👈إيه بقي مواصفات الشفيع الحقيقي اللي بتنطبق علي

(المسيح والروح القدس وبس)

العهد الجديد مفيش فيه لقب "شفيع" غير للأقانيم الإلهية،

لأن مواصفات الشفيع لا تنطبق غير عليهم بس:

📛* شفاعة المسيح (1 يوحنا 2: 1):

(إن أخطأ أحد فلنا شفيع عند الآب، يسوع المسيح البار).

المسيح هو الشفيع لأنه "البار" ولأنه هو "كفارة لخطايانا".

المسيح مش بيقف يتوسل للآب ويستعطفه؛ المسيح بيقدم

دمه وصليبه كحجة قانونية وفاءً للعدل الإلهي. ده شفيع

بجد عنده قدرة ذاتية يخلصك.

📛* شفاعة الروح القدس (رومية 8: 26):

الروح القدس بيشفع فينا بأنات لا ينطق بها، وده أقنوم إلهي ساكن جوانا.

❌والحقيقة المُرّة : مفيش "شفيع بشر" في السماء.. الشفيع

هوإنسان واحد فقط المسيح بدمه، والروح القدس بأنينه

ومعونته وارشاده للمؤمنين.

و الفرق بين صلاة الأحياء لبعضهم .. وإدعاء شفاعة المنتقلين

وطلب معونتهم والصلاه لهم

زي لما تيجي تبرر وتقول : (أنا بطلب من مارجرجس يصليلي

في السما زي ما بطلب من أخويا باسم على الأرض يصليلي)

المقارنة دي غلط جدا لاهوتيا وكتابيا لـ 3 أسباب:

🔸1. صلاة الأحياء "شركة منظورة" (يعقوب 5: 16): لما

بطلب من أخ حي على الأرض يصليلي، إحنا جوه حدود

"الزمان والمادة". بكلمه بلساني، أو ببعتله رسالة، وهو

بيسمعني بـ "ودنه البشرية".

🔸2. الشفاعة التوسلية "تأليه للقديسين": لما تقفل أوضتك

بالليل، وتقف قدام صورة مارجرجس أو العذراء وتطلب منهم

يتوسلوا قدام الله لحل مشكلتك.. إنت كده بتعامل القديس كأنه إله

لأنه عشان يسمعك إنت في مصر، ويسمع ملايين البشر في

أمريكا وأستراليا في نفس اللحظة ويفهم صلوات قلوبهم

السرية ، إنت عطيته صفات الله: (الوجود في كل مكان،

وعلم الغيب، وفحص القلوب)

ودي صفات ربنا وحده (أنا الرب فاحص القلب مختبر الكلى).

إنت حولت القديس لإله صغير يسمع الغيب، وده ملوش

دعوة بطلب صلاة أخوك الحي

🔸3. الصلاة للمنتقلين "استشارة موتى": الأخ الحي مأمور

يصليلك وهو معاك في الخدمة. أما اللي سافر السما، فإتصال

الوعي بالأرض انقطع بنص الإنجيل: (أما الموتى فلا يعلمون

شيئاً.. ولا نصيب لهم بعد إلى الأبد في كل ما عُمل تحت

الشمس) [جامعة 9: 5-6].

ونداء أرواح المنتقلين والصلاة ليهم هي الممارسة اللي ربنا

لعنها وسماها رجس: (ولا من يستشير الموتى) [تثنية 18: 11].

♨️ الخلاصة :

المصطلح ده فخ شيطاني مضلل عشان يحجب عنك وجه

المسيح الشفيع الوحيد. الشفيع مش محتاج يتوسل لأنه

دافع تمن خلاصك بدمه،

والمؤمن مش محتاج شبكة اتصالات بشرية في السما لأن

الحجاب انشق ودخولنا بقا مباشر لعرش النعمة.

الآية واضحة وقاطعة : (لأَنَّهُ يُوجَدُ إِلهٌ وَاحِدٌ وَوَسِيطٌ وَاحِدٌ

بَيْنَ اللهِ وَالنَّاسِ: 👈الإِنْسَانُ يَسُوعُ الْمَسِيحُ)
[1 تيموثاوس 2: 5].

فكر فيها بعقل بره التعصب الطائفي الأعمي اللي مش بيشوف

غير ذاته وبيفضل يدافع عن الأخطاء الواضحه اللي ضد روح

الكتاب بدون تفكير

الرب ينير عيون أذهانا لنتعلق بيسوع وحده

المستحق المجد والإكرام والسجود ❤️