العينين بتشدني اكتر من الكلام نفسه

[Ramez5]

بحب أسمع الناس وهي بتتكلم عن الحاجات اللي بتحبها
العينين بتشدني اكتر من الكلام نفسه.
لما عين حد تلمع وهو بيحكي ولما صوته يتغير من غير ما ياخد باله ولما يختار كلماته بحب كأنه بيحافظ على حاجة غالية جواه ساعتها بحس إني شايفة روحه مش بس سامعاه.
في اللحظات دي الإنسان بيبقى حقيقي جداً بلا تصنع بلا خوف بلا حسابات وبيبان قد إيه جواه حياة وقد إيه قلبه لسه بيحس.
علشان كده بحس إني عايزة أقول له "ارجوك خليك كده خليك بتحب خليك حي."
لأن في زمن بقى كله سرعة وضغط الناس اللي لسه بتفرح بالحاجات اللي بتحبها كنز.
ولو قابلت حد كده اسمعه للآخر وسيبه يحكي يمكن أنت ما تعرفش بس اللحظة دي ممكن تكون بالنسبة له حياة كاملة.