ابني في سن المراهقة ومش واثق في نفسه اساعده إزاي ؟

[walaa farouk]

ابني في سن المراهقة ومش واثق في نفسه ... اساعده إزاي ؟ 🩵💙

عشان المراهق يبقي واثق من نفسه لازم الأهل يثقوا فيه الأول و يحسسوه بقيمته و أهميته ، و كل ده هيحصل لما يحس انه راضي عن نفسه .

وده يخلينا نروح للسؤال اللي بعده .
إزاي اساعد #المراهق ( بنتي او ابني ) انه يبقي راضي عن نفسه عشان تتزرع جواه الثقة بالنفس ؟
وده هنعرفه من خلال 4 خطوات 👇

1- اهتم بيه إهتمام شخصي : يعني اديله وقت كافِ اسمعه فيه وأسمع اقتراحاته و أهتم برأيه ، وأعرفه دايماً اني موجود جمبه و اني بحبه وبقبله رغم كل شيء .

2- التشجيع المستمر : اقدم ليه تشجيع علي كل حاجة حلوة يعملها ، وده هيساعده انه يبقي راضي عن نفسه ، وكمان هيحس بالسعادة لما ينجز عمل معين.

3- مانجرحش مشاعره بأي شكل ونحافظ علي كرامته : لأنه دايماً في الوقت ده هيكون حساس بزيادة ، ومش هينسي الجرح اللي حصل فيه ، وكمان هيفضل فاكر الاهتمام والمدح اللي هتقدمه ليه .

4- أحترم رأيه : حتي لو كان مخالف لرأيي ، ابدأ اسمعه و اتكلم معاه و ده هيخلق بينكم لغة حوار اللي بيها تقدر تتناقش معاه وتصحح وجهه نظره لو مش كاملة ، وهيقبل منك ده لأنه ساعتها هيحس انه مسموع و مُرحب به وبرأيه.