|
 |
 |
 |
|
رقم المشاركة : ( 1 )
يوم أمس, 01:57 PM
|
|||||||||||
|
|||||||||||
|
مش هاغيب عليك ماتخافشى انا جايه تانى 😢 ساكن قصادى راجل ومراته كبار فى السن قوى .. دايما بطمن عليهم لما القاهم فى البلكونه مع بعض يصبحو عليا ولادهم مسافرين بره مصر ومالهمش حد خالص .. الراجل قعيد ومراته هى اللى بتخدمه .. الست كل يوم فى حقنه معينه لازم تاخدها .. فى بنت بتيجى تدهالها .. اليوم ده ماجتش ، فا الست اتصلت بيا قالتلى تعرف تدى حقن ؟ قولتلها بصراحه لا .. ليه؟ فا قالتلى على اللى حصل فا نزلت فضلت ادور على حد يجى معايا يديها الحقنه مالقتش .. فا رجعتلها قولتلها تعالى اركبى معايا العربيه اوديكى المستشفى تاخدى الحقنه .. قالتلى انزل واسيب الراجل لوحده ؟؟ ازاى لحسن يحتاج حاجه 😢😔 ابتسمت وقولتلها ماتقلقيش عليه ده ربع ساعه نوصل المستشفى وهاترجعى .. فا لاقيته بيقولها روحى ماتخافيش عليا 😊 قالتله طيب عاوز تروح الحمام اوديك ؟؟ قالها لا قالتله طيب تاكل ؟ قالها لما تيجى ناكل سوا قالتله طيب اشرب مايه عشان ممكن ماتقدرش تطول المايه جنبك .. وكل ما نروح على باب الشقه ترجع تطمن عليه وتغطيه وتطبطب عليه وتقوله ماتقلقش مش هاتاخر عليك .. وبعدها رجعت تانى قالتله بردان اقفلك الشباك ؟ طيب خلى التليفون جنبك عشان هاتصل بيك كل شويه اطمن عليك اوعى تنام عشان نتعشى سوا .. واخيرا نزلنا .. واحنا فى العربيه حرفيا كل دقيقه تتصل بيه تطمن عليه لغايه ما اتصلت بيه وقالتله خليك معايا على التليفون ماتقفلش لغاية ماجيلك .. فا قولتلها ماتخافيش عليه ايه الخوف ده كله دانتى لو امه مش هاتعملى كدا .. قالتلى ياولدى انا ماليش غيره فى الدنيا هو ونسى وحياتى وابويا وابنى وكل حاجه فى حياتى انا دايما بقول لربنا خد من صحتى واديله هو عمره ما حرمنى من حاجه ودايما طيب وحنين عليا احنا مالناش غير بعض .. 😍😍 قولتلها طيب ماتعبتيش من خدمته ،؟ لاقيتها اندهشت كدا 😳 وقالت . " اتعب !!! دا لو شويه عضم فى قفه اشيله فوق دماغى العمر كله ولا اتعب لحظه ده عشرة ٦٢ سنه عمره ما سابنى انام زعلانه دانت ماشفتهوش لما كان بصحته كان مستتنى وعمره ما بخل عليا بحاجه .. 😘 قولتلها انتى محسسانى انه معيشك فى قصر وضحكت 😅 انا قولت انكشها بردو .. قالتلى ده نفسه معايا حتى لو فى كوخ بالدنيا كلها هو كان موظف ماكنش غنى يعنى بس يكفى كلامه الحلو ليا ده لوحده بيرد الروح فيا .. 😍😍 وفضلت تحكى طول الطريق عنه وكأنها بنت فى العشرين فى قصه حب من الطراز الاول .. 😍😍 رسالتى هنا لكل واحد بيقرا الكلام ده ماتقفوش على الوحده ، سهلوا الدنيا على بعض ، حافظو على الحب اللى بينكم ، فى مشاكلكم ماتدخلوش الغريب وسطيكم انتو مالكوش غير بعض ، كله رايح مش هايفضل غير حبكم لبعض ... يارب نسمع 
|
|
| قد تكون مهتم بالمواضيع التالية ايضاً |
| الموضوع |
| يااارب الموضوع أكبر مني هسيبه عليك 🙏🏻😢 |
| الكلام محدش بينساة 😢😢😢 |
| "يبقى الكُتمان مُريح، رغم أنه مؤذي داخليًا🖤😢😢 |
| بقدرتك كل حاجه هترجع مظبوطه تاني |
| رجال عندما تخلو الساحه منهم فلابد ان نبكي😢😢😢 |
العرض الشجري