|
 |
 |
 |
|
رقم المشاركة : ( 1 )
07 - 02 - 2026, 08:56 AM
|
|||||||||||
|
|||||||||||
|
اعمل دا.. ربنا يديك بركة ويوسع في رزقك 😍
بيقول #أبونا_داود_لمعي: إكرام الأب والأم مش بالكلام بس، ده بالفعل وبالتصرف. يعني تعمل معاهم الخير، وتقوم بواجبك ناحيتهم، وتهتم بيهم. وكمان كلامك معاهم يكون باحترام وأدب، تشكرهم، وتقدّرهم، وتتكلم عنهم بكل خير حتى من وراهم. لأنك مديون ليهم، من غيرهم ما كنتش موجود، ومن خلالهم بتنزل عليك البركة وتفضل معاك للنهاية. فعلاً في حاجة اسمها بركة الوالدين. علشان كده زيارة كبار السن خدمة جميلة جدًا، لأن الناس دي ليها بركة كبيرة. هما بيدعوا ربنا، وربنا بيسمع لهم، لأنهم خلاص بعدوا عن شهوات الدنيا وأطماعها، وبقت حياتهم كلها مع ربنا، فدعوتهم غالية ومسموعة. اللي يزور كبار السن وياخد بركتهم، بيكسب حاجة حقيقية اسمها البركة، وبركتهم تحل عليه وتكمل معاه. وبركة الأب فعلًا تثبت بيوت الأولاد. مرة شفت شخص ربنا مديله كتير، وأولاده كويسين وخدمته كبيرة. قلت له: ربنا موسّع عليك. رد عليّ وقال تلقائي: كل ده بركة أبوي وأمي. قال إنهم كانوا ناس بسطاء، لكن حياتهم صلاة وخير، وربنا بارك في أولادهم وأحفادهم، وكلهم عايشين ومقتنعين إن اللي هما فيه ده بركة الوالدين. الإيمان ده جميل، إن الناس تبقى مقتنعة إن الخير ده مستمر وليه تأثير كبير. علشان كده الكتاب يقول: بركة الأب تثبت بيوت البنين، لكن زعل الأم وغضبها ممكن يهز أساس البيت. ربنا يحمينا إن أم تكون غضبانة على ولادها، لأن بدل ما ياخدوا بركة، ياخدوا وجع وعدم سلام، وده أمر صعب ومؤلم.  
|
|
| قد تكون مهتم بالمواضيع التالية ايضاً |
| الموضوع |
| انت ربنا رزقك بالفلوس وانا ربنا رزقنى بالأمانه |
| ربنا ينور قلبك ويوسع قلبي |
| ربنا يديك رجائك وطلبت قلبك لان الرجاء لا يخزي ابدا😍♥ |
| بركة ربنا تباركك بس انت اعمل اللى عليك |
| ربنا يوسع رزقك |
العرض الشجري