|
 |
 |
 |
|
رقم المشاركة : ( 1 )
17 - 01 - 2026, 07:44 AM
|
|||||||||||
|
|||||||||||
|
آية محيرة.. بس حكايتها بسيطة👇🏻 "أَنَا قُلْتُ إِنَّكُمْ آلِهَةٌ وَبَنُو الْعَلِيِّ كُلُّكُمْ" (مزمور 82: 6) تعال نشوف إيه حكاية الآية دي وتفسيرها إيه ده؟ هو ربنا بيقول علينا آلهة؟ أيوه، بس تعال نفكر سوا بـ "روقان"، هو إحنا فاهمينها إزاي؟ لو افتكرنا إننا بننافس ربنا في ملكه ، يبقى مش فاهمين قيمة "ملك السلام". لكن "آلهة" هنا هي (سلطان الكلمة والوكالة) عارف لما ربنا يحط "كلمته" على لسانك؟ أهو ده السيف اللي بيخليك تتكلم بقوة الحق اللي جاية من فوق. وعشان الصورة توضح خالص، افتكر لما ربنا كلم موسى النبي. موسى كان خايف يروح لفرعون وقاله "أنا تقيل اللسان"، فربنا قاله إيه؟ "فَهُوَ يَكُونُ لَكَ فَمًا، وَأَنْتَ تَكُونُ لَهُ إِلهًا" (خروج 4: 16) هل موسى بقى إله يُعبد؟ حاشا لله! المقصود هنا إن موسى شايل "كلام ربنا" وسلطانه، فهو بالنسبة لهارون هو (المصدر) اللي بيوجهه وبيديله الأمر الإلهي. يعني ربنا بيقول لموسى: أنت هتكون له المرشد، صاحب الكلمة اللي من عندي، وصاحب السلطان في توجيه الأحداث هنا بيحصل إيه؟ بيحصل "فرز"! يعني مقامك قدام الناس بيبقى له هيبة ومسؤولية كبيرة أوي، كأنك وكيل عن ربنا في الأرض. ربنا بيقولنا: "أنا اديتكم كرامة إنكم تكونوا وكلاء عني، تنصفوا المظلوم، وتتكلموا بالحق يعني ربنا مش بيشرك حد في عبادته، لكن "التمسك بالمسؤولية" هو اللي بيخليك تعيش بمقام "ابن العلي" اللي ملوش في الضعف ولا في الغلط. فالآية معناها إنك لو شايل كلمة ربنا، فأنت ليك سلطان ومكانة "سماوية" وسط الأرض. حاجة تاني: تخيل لو واحد غلبان قوي، وفجأة الملك وكله يخلص ورق ناس تانية وبقى معاه "ختم الملك" تفتكر لما يتكلم، الناس هتسمع لمين؟ أكيد هتسمع للختم اللي معاه، كأنه هو الملك قدامهم في اللحظة دي. أهو ده "المقام" اللي ربنا بيتكلم عنه! ربنا بيقولك: "يا حبيبي، أنا ائتمنتك على وصايايا، وخلقتك على صورتي ومثالي" يعني أنت فيك "نسمة" مني بتخليك مميز وليك كلمة وسلطان على حياتك وعلى الشر اللي حوليك. مقامك ده زي "السيف" اللي لازم يحمي كرامتك كابن لملك الملوك. ربنا بيبسطها لك وبيقولك: "أنا سميتكم آلهة عشان رفعتكم لمستوى عالي من الحكمة والعدل، فما ترخصوش نفسكم بشهوات الأرض. طب يعني إيه بنو العلي؟ المقصود إننا من "عيلة سماوية"، لينا طبع أبونا في الطيبة والحق. ربنا مش عايزنا ننسى إننا "صورته" اللي الناس بتشوفها في الدنيا. آية_محيرة_بس_حكايتها_بسيطة 
|
|
| قد تكون مهتم بالمواضيع التالية ايضاً |
| الموضوع |
| 📌أنواع الترانيم والفرق بينها وبين ألحان الكنيسه👇🏻👇🏻 |
| دموع العذراء 👇🏻 |
| أشهر 11 ظهور للعذراء 👇🏻 |
| ليلة عاتية في الصحراء 👇🏻👇🏻 |
| من أين جائت زفة العذراء وعلاقتها بالوباء ؟ 👇🏻 |
العرض الشجري