يمكن الدرهم المفقود عندك هو إنت نفسك

[walaa farouk]

الست دي مافقدتش العشرة دراهم،
لكن اللي ضاع منها واحد بس.
والعجيب إنها قامت تقلب البيت كله علشان تدور عليه.
الدرهم الصغير ده ما كانش مجرد قطعة فضة
… لكنه كان رمز لجزء من نفسها.

يمكن الدرهم المفقود عندك هو إنت نفسك.
الفرح اللي ضاع منك.
السلام اللي ما بقاش موجود.
الثقة اللي كانت زمان فيك.
يمكن حتى الجزء النقي اللي جواك اللي كنت بتحبه
في نفسك، واختفى وسط الزحمة والتجارب والخذلان.

الست نورت السراج وكنست البيت وفتشت باجتهاد.
ده معناه إنها ما استسلمتش للظلمة.

أوقات ربنا بيسمح إن حاجة تضيع جواك علشان تبدأ رحلة البحث دي.
علشان تفتّش في أعماقك… تشيل التراب… وتنور النور.
يمكن الرحلة مؤلمة، بس دي الطريق الوحيد تلاقي نفسك فيها.

ولما لقت الدرهم، فرحت جدًا ودعت أصحابها وقالت:
«افرحوا معي، لأني وجدت الدرهم الذي فقدته».