محتاجين ناس زى الأربعة دول في حياتنا

[walaa farouk]

على طول نشوف أن اللى عنده ضعف معين
الناس تسخر منه و تبعد عنه
، بس اللى حصل مع الأربعة أصحاب دول
انهم شايفين ضعف صاحبهم و مسابهوش ولا بعدوا🥰
شافوا إن قوته خلصت وإن رجله مش قادرة تمشي،
فقرروا همّ يمشوه بالإيمان والمحبّة.
ما وقفوش عند الزحمة ولا تعبوا من السقف،
شالوه وفتحوا الطريق، وودّوه للمسيح.
✨محتاجين ناس زى الأربعة دول في حياتنا،
ناس تشوف ضعفنا متحكمش علينا
، لكن عشان تشيلنا. ناس لما تلاقينا مش قادرين نقوم،
يقوموا مكاننا بالصلاة، بالإيمان، بالمحبّة.
ناس ما تسيبناش على سرير الكسل، لكن يوصلونا لربنا.
✨ولازم كمان إحنا نكون من الأربعة دول في حياة اللى حوالينا،
نفتح السقف بالصلاة وننزل الضعيف لربنا
اللى لوحده يقدر يشفي الجسد والنفس.