هو بس اللي يقدر يروي قلبك بجد

[walaa farouk]

زي السامريه
واقف عطشان، مش بس للمية، لكن عطشان لسلام مفقود،
لحياة حقيقية، لشغف ضاع في وسط دوامة الأيام وخيبات متكررة.
انسان بيدور على حاجة تروي عطشه اللحظي، قلبه من جوه كان ناشف من زمان.
يمكن تكون إنت كمان كده… تجري ورا حاجات تملأ فراغك،
تجرب طرق جديدة، ناس جديدة، يمكن حتى عادات جديدة
، لكن الفراغ يفضل زي ما هو. لحد ما تكتشف إن في واحد بس قال:
“أنا عندي المية اللي مش هتخليك تعطش تاني.”
ربنا هو الوحيد اللي يقدر يديك حياة مختلفة،
يرجّعلك الشغف اللي ضاع، ويخلي روحك تشبع بالسلام اللي بتدور عليه.
معاه هتفهم إن عطشك مش للحاجات اللي براك،
لكن عطشك الحقيقي ليه هو.
وهو بس اللي يقدر يروي قلبك بجد

.