الوضوح هو أكتر حاجة بتخلّيك تعيش مرتاح

[walaa farouk]

الوضوح هو أكتر حاجة بتخلّيك تعيش مرتاح.
الناس بتفتكر إن الغموض ذكاء، وإن كتمان المشاعر قوة،
وإن المجاملة وسيلة للحفاظ على العلاقات…
لكن الحقيقة إن كل ده استنزاف لنفسك ولقلبك.
الوضوح مش معناه إنك تكون جارح، ولا إنك تقول كل حاجة في بالك،
لكن معناه إنك تعيش صادق مع نفسك ومع اللي حواليك،
تقول “لا” من غير ما تحس بالذنب،
وتقول “آه” من غير ما تبالغ،
وتختار الناس اللي تشوف قيمتك، من غير ما تضطر تشرح نفسك كل شوية.
الوضوح بيخلّي العلاقات تبقى أصدق، والخطوات تبقى أثبت،
وبيحررك من ضغط إنك ترضي كل الناس على حساب رضاك عن نفسك.
لو ربنا نفسه بيحب الصراحة فالصلاة،
يبقى من حقك تعيش حياة واضحة…
من غير تكلّف، ولا تمثيل، ولا وجع قلب.