اختار الناس اللي قلبهم بيتحرك لقلبك

[walaa farouk]

ابعد، حتى لو قلبك بيقولك “استحملهم شوية كمان”،
حتى لو الذكريات بتشدك ليهم…
لو عرفوا إنك موجوع،
وشافوك وانت بتغرق،
وممدوش إيديهم علشان يشدوك —
اعرف إنهم مش ليك.

الناس اللي تقدر تشوف وجعك وتعدي،
اللي يحسو بكسر قلبك وما يتحركوش،
وجودهم حواليك مؤلم أكتر من الوحدة.

اللي بيحب بجد،
بيمد إيده حتى من قبل ما تطلب.
حتى من غير ما تقول “أنا تعبان”،
هيحس، وهييجي، وهيفضل.

اللي يتفرج عليك وانت بتتألم،
مش بس مش بيحبك…
ده ممكن يكون واحد من أسباب ألمك.

اختار الناس اللي قلبهم بيتحرك لقلبك.
اللي يوجعهم وجعك.
اللي يحسوا بيك من نظرة،
مش اللي يستنوا تشرح وجعك عشان يتصرفوا.