هكمل حتى لو على طرف الأمل

[walaa farouk]

كل مرة قلت “أنا مش قادر” .. ووقفت على رجليك رغم التعب،
كل مرة دمعتك نزلت وانت ساكت .. وقلت في سرك “يا رب”،
كل مرة حسيت إنك بتنهار .. بس فضلت تمشي خطوة كمان،
كلها كانت لحظات نصر ..
مش لأنك عدّيت،
لكن لأنك ما استسلمتش.
اللي شايفك من فوق،
كان بيقوّيك من جوا،
وبيحسبلك كل تنهيدة، كل محاولة، كل مقاومة.
النصر مش دايمًا بيبان في الصور الكبيرة،
أحيانًا بيبقى في لحظة بسيطة قلت فيها:
“هكمل .. حتى لو على طرف الأمل.”