تشتغل بيدين راضيتين

[walaa farouk]

عارف الضغط الرهيب اللى عليكى ..

من صباحية ربنا مطبخ و طبخ و غسيل و مكوى و مذاكرة و تنضيف و جرى ورا العيال و ورا ابو العيال ..
حتى فى نومك قلقانة على عيلتك و مسؤوليتهم ..

لكن عارفة ايه اللى يخللى ايامك حلوة و جميلة ؟؟
الآية اللى كتبها سليمان عن المرأة الفاضلة : "تَشْتَغِلُ بِيَدَيْنِ رَاضِيَتَيْنِ. (الأمثال ٣١: ١٣)"

الرضى راحة ما بعدها راحة ..

رضى باولادك الجواهر اللى ربنا اداهم لك ، و بزوجك اللى من ايديه ، و بالبيت اللى ربنا سترك فيه ..

رضى ان اللى بتعمليه من خير و تعب ربنا شايفه و ح يباركك و يبارك بيتك بسبب قلبك الراضى الوديع غير المتذمر..

و ح تشوفى ثمر تعبك هنا على الارض فى مستقبلهم الجميل " يَقُومُ أَوْلاَدُهَا وَيُطَوِّبُونَهَا. زَوْجُهَا أَيْضًا فَيَمْدَحُهَا (الأمثال ٣١: ٢٨)

و فى السما فى الاكاليل الرائعة اللى ربنا مجهزها لك " أَعْطُوهَا مِنْ ثَمَرِ يَدَيْهَا، وَلْتَمْدَحْهَا أَعْمَالُهَا فِي الأَبْوَابِ. ِ (الأمثال ٣١: ٣١)

يا بختك لو رضيتى، تتهنى و تهنى اللى معاكى ..