لكل يوم زوّادة: الله يخلّي هالكبار : 30 / 11 / 2021 /

[souad jaalouk]

لكل يوم زوّادة: الله يخلّي هالكبار

بيخبّرو عن شبّ كان يساعد ستّو بشجرة و مغارة العيد. قبل ما يحطّ الطّفل يسوع بالمغارة راح جَبلو قش و نشارة خشَب و عِمِلّو فرشة ينام فيها، قالِتلو ستّو: انشالله يسوع بيهتمّ فيك عاطول متل ما انتَ عم تهتمّ فيه هلّق... شو حلوة هالدّعوة الطّالعة من القلب احلى من 100 كلمة بحبّك و اشتقتلّك و هالكلمات اللّي صارِت محطّ حكِي اكتريّة الوقت بلا مضمون...و كونو اكيدين انّو ما طوّل الطّفل يسوع تا سمع طلب هالختيارة و اهتم بهالشب و بنفس اليوم فتحلو باب الو زمان بيدقّ عليه و ناطِر...
يمكن من احلى اشيا معقول تصير معك هيّي دعوة صادقة من ختيار محبّ، هالدّعوات عا بساطِتها و عفويّتها بتوصَل للسما بسرعة... الله يخلي هالكبار، هالبركة، صوت الحب و الرّب! الله يكون رفيقكن اليوم و كل يوم!