|
 |
 |
 |
|
رقم المشاركة : ( 1 )
31 - 07 - 2021, 11:10 AM
|
|||||||||||
|
|||||||||||
 تتمدد بالحرارة و تنكمش بالبرودة دي مش بس نظرية في بعض المعادن ، دي بالاولي نظرية "السعادة " .. لما تلاقي حد ما حدش مهتم بيه ، اجري عليه و شجعه و خللي غيرك يقف جنبه .. و لما حد يطلب منك طلب ، ابذل كل جهدك تساعده ، و لو ما عرفتش يبقي توصله للي يساعده ، و لو ما عرفتش خالص يبقي بالتشجيع و زرع الأمل ز السؤال و المتابعة .. لو ليك أصحاب او معارف او قرايب يبقي تسأل عليهم بزيارة او برسالة او تليفون من غير اي طلبات مهما الحوا عليك انهم يساعدوك : انت بس بتشقر عليهم و تفرحهم .. لو واحد ناجح افرح له ، و دل الناس عليه علشان يفرحوا له ، و لو واحد رزقه واسع اتمني له الخير بلسانك و بقلبك و بفرحتك .. لو حد زعلان منك تعال علي نفسك و راضيه ، و لو رفض اهو علي الاقل تبقي بعت له رسالة محبة ، و لو ناس متخاصمة خليك بينهم صانع سلام و واسطة خير و ما تسيبهمش غير لما يتصالحوا.. و لو واحد مكشر او حزين أقف جنبه و خفف عنه بمساعدة او كلمة او جبر خاطر .. المهم ازرع الفرح في قلوب الناس طول ما انت ماشي ، ح تلاقي قلبك فرح قبل ما هم يفرحوا.. و السعادة بأمانة "بتتمدد" و "تتكاثر" و "تنتشر" كل ما توزعها ، و ترتد علي قلبك قبل ما تسعد قلوب الناس .. 
|
|
| قد تكون مهتم بالمواضيع التالية ايضاً |
| الموضوع |
| يعقوب تنكمش أنانيته وتنهار |
| كُلّ الأشياء تنكمش بالبرودة |
| إذا شعرنا بالبرودة فأن عدو الخير قرب منا |
| الغابات تشعرنا بالبرودة |
| الشوق : معدن نادر يتمدّد بالحرارة وينكمش بالبرودة |
العرض الشجري