3خطوات يساعدوك تكون بسيط

[walaa farouk]

واحد من تعريفات البساطة
هو إنك تسدد احتياجاتك الأساسية فقط،
وتقرر بإرادتك تستغني عن كل ما هو رفاهية،
أو مش مهم، أو وجوده بغرض المنظرة بس.

ولما بتكون بسيط بتتحرر من قيود المجتمع السطحية،
ولو نفسك فعلاً تعيش بسيط..
في ٣ خطوات يساعدوك تبتدي تعيش بسيط:
1) لو نفسك تشتري حاجة مُعينة،
لو مش معاك تمنها متشتريهاش، إستنى تحَوش مثلاً
ووقتها هيبان انت فعلاً محتاجها ولا لا.

2) لو عَجبتك حاجة وانت بتتسوق،
اسأل نفسك قبل ما تشتريها،
هل إنت محتاجها فعلا؟ ولا لا..
ولو الإجابة لا، متشتريهاش

3) متتخدعش بالعروض والتخفيضات
على الحاجات في المواسم والأعياد،
ومتشتريهاش لمجرد إن عليها عرض..
وخصوصا لو مش محتاج كل الكِمية اللي عليها العَرض.