|
 |
 |
 |
|
رقم المشاركة : ( 1 )
16 - 11 - 2020, 09:28 AM
|
|||||||||||
|
|||||||||||
 بكل اسف الاجيال اللى طالعة مليانة حاجات متعودناش عليها ... ومن الامور المحزنة لجيل الخدام الجديد هو انه جيل ميعرفش قيمة الخدمة ولا بركتها ... لانه اتعود انه ياخد كل حاجه بسهولة فبالتالى بيفرط فى الخدمة بكل سهولة .. مفيش جدية ومفيش اهتمام وقليل جدا اننا نلاقى خدام او خادمات من زمن الخدام اللى علمونا مبادئ الخدمة ... او حتى على الاقل مش زى اهتمامنا بالخدمة لما كنا فى سنهم !طبعا كل شى بيتغير بس مش المفروض كل حاجه نسمح انها تتغير ... علشان كده محتاجين نقول شوية حاجات اتحملونا فيها + لو قدسك كاهن ومسئول عن مدارس الاحد .. من فضل قدسك بلاش تسلم الخدمات لجيل جديد فاقد لقدسية الخدمة تحت مسمى مفيش خدام واننا نكسبهم .... لازم يتاهلوا كويس جدا علشان تكون مطمن على الاجيال اللى هتطلع على ايديهم ... ومفيش اى مانع ان قدسك توبخ الغلط لان جايز السكوت بيكون اخطر من عدم التوبيخ + لو حضرتك امين خدمة او امينة خدمة ... اقبل الكل انه ياخد اعداد خدام لكن خليك حكيم جدا فى افرازك للدفعة اللى هتدرب او تدخل الفصول ... لان ممكن مجرد لفظ يطلع منهم يفقد للخدام مصداقية خدمتهم قدام المخدومين + لو حضرتك خادم او خادمة ... من فضلك شجع الاصغر منك وانصح على قد ما تقدر وحاول توصل مبدأ اهمية وقدسية الخدمة ليهم لانهم جايز ميكونوش شايفين الخدمة غير انها مظهر اجتماعى + لو حضرتك فى اعداد خدام او فى فترة التدريب ... ارجوك اعرف ان الخدمة دى امانة ووزنة فى منتهى الخطورة ... لو حسيتها بتخنقك او تقيله عليك ارجوك اعتذر .. بلاش تعند فى الغلط .. بلاش ندخل الامور الشخصية فى الخدمة .. اتعلم ... اقرا .. اتعب ..اتضع .. يابخت من لقى حد يعلمه ! + اسفين للاطالة ودى مجرد وجهة نظر واكيد كنيستنا مليانة شباب حلوة وعمرانه بيهم لكن الاجيال اللى طالعة بتقول ان فى جرس انذار لازم ناخد بالنا منه . #فضضفة_خدمة 
|
|
العرض الشجري