لكل يوم زوّادة: إيد وحدة : 14 / 8 / 2020 /

[souad jaalouk]

لكل يوم زوّادة: إيد وحدة

بيخبرو عن مجموعة خشب و كمشة مسامير حِكيو مع شاكوش اتّفقو كلّن سوا و اشتغلو و توحّدو بالآخر طلعت طاولة حلوة كتير...لو هالخشبات ضلّو لحالن كانو بقيو بس خشب، و المسامير وحدن كمان كانو بقيو شويّة حديد! يعني بالوحدة عاطول مننجح...هيك نحنا البشر اذا توحّدنا ووقفنا حدّ بعضنا و تساعدنا رح ننتصر و رح تكون النتيجة لصالح الخير امّا اذا كنّا مفرّقين و كل واحد وحدو بيقوى علينا الشرّ و بيكسرنا!...نحنا بأمَسّ الحاجة كلبنانيّين اليوم تا نكون إيد وحدة حتّى نقدر نكفّي و نجرّب نتطلّع صوب بكرا مع انّو عيوننا مدَمعين بس رح نرجع نوقف اقوى كلنا سوا إيد بإيد...يا رب غمرنا برحمتك و بارك وحدتنا و تضامننا...الله معكن