زوّادة اليوم: مش عيب : 22 / 6 / 2020 /

[souad jaalouk]

زوّادة اليوم: مش عيب

بيخبرو عن زلمي عم يفلح أرضو. قاعد عا ضهر البغل و ماشي بهالحقل، تفَركش البغل و صار الزلمي انجأ مهدّى بإيد وحدة و رح يوقع و مش قادر يتوازن. مارق من حدّو شب عم يتصيّد قلّو عمّو شو صاير معك بساعدك؟ ما حطها عا حالو الزلمي و قلّو ما بني شي عم بعمل رياضة!
الزوّادة اليوم بتقلّك مش عيب تقبل مساعدة من حدا، اذا حدا ساعدك بأي شي مش يعني انت ضعيف ابدا، يمكن بظرف معيّن ما قدرت تتصرّف وحدك! و بتقلّك الزوّادة كمان انّو يمكن تكون انت مطرح الشب و تصادف حدا بحاجة الك اسأل مرّة و تنين و تلاتة و ساعد قد ما بتقدر و ربنا بيكافيك!...نحنا بوقت لازم نحط ايدنا بإيد بعضنا تا نتخطّى هالصعوبات...الله معكن