|
 |
 |
 |
|
رقم المشاركة : ( 1 )
05 - 05 - 2020, 11:32 PM
|
|||||||||||
|
|||||||||||
 فكرة تخطر علي البال ، ووراها اندفاع و استعجال ، بعدها اختيار و قرار و زي ما تيجي تيجي ، و يا خابت يا صابت ، و عمرها ما صابت !! و بعدها نقعد نلملم في الكسر و توابع زلزال الطققان !! لا تروي و لا تأني و لا تفكير و لا حسابات و لا مشورة حد حكيم و لا مخدع و لا صلاة و لا سماع صوت الله .. و أعجب حاجة ان احنا بنلوم الظروف و الايام و الحظ و أحيانا ربنا علي المشكلة اللي عملناها لنفسنا .. ده اللي حصل لموسي "خطر على باله أن يفتقد إخوته بني إسرائيل (أعمال الرسل ٧: ٢٣) .. و من غير ما يمتحن الفكرة ، ورط نفسه في جريمة قتل المصري و دفع التمن ٤٠ سنة هروب من فرعون ، لولا أن ربنا اتحنن عليه و رجعه تاني لخدمته و رسالته و هو في سن التمانين .. نفس اللي حصل مع شمشون " وأخبر أباه وأمه : «قد رأيت امرأة في تمنة من بنات الفلسطينيين، فالآن خذاها لي امرأة".. (القضاة ١٤: ٢) .. و بسبب اندفاعه وراء مشاعره اتورط مع الأسد اللي كان ح يموته ، و بعدها في حرب عنيفة ، لولا أن ربنا نجاه بدل المرة مرات .. برضه نفس اللي عمله ابونا إبراهيم في تكوين ١٢ لما حصل جوع في الأرض و اندفع ورا افكاره و نزل مصر من غير ما يصلي زي ما كان متعود ، و كذب و خللي سارة تكذب و لولا ستر الله كانت ح تضيع منه و كان ح يقعد العمر كله يندم عليها.. و من طقة غضب لطقة مشاعر لطقة أفكار ياما ناس ضيعت عمرها و عواطفها و فلوسها و صحتها و خدمتها و يمكن عمرها.. صحيح ربنا ياما بيلم ورانا و يصلح اللي بنعمله ، بس بعد ما نكون دفعنا تمن غالي لطققان دماغنا .. اللي يفهم بجد دايما يقول لربنا في الصلاة : ايدك قبل ايدي ، و مشيئتك قبل مشيئتي ، و لو لقيتني اندفعت وقفني، و لو صممت و لخبطت اتحنن علي و لم ورايا و صلح الكسر اللي عملته في نفسي و في الناس 
|
|
| قد تكون مهتم بالمواضيع التالية ايضاً |
| الموضوع |
| دماغ منورة |
| طقة دماغ |
| دماغ الباشا |
| للقرش دماغ يشبه دماغ الانسان!! |
| بلا جواز بلا وجع دماغ |
العرض الشجري