زوّادة اليوم: كونوا واضحين متل الشّمس : 15 / 10 / 2019 /

[souad jaalouk]

زوّادة اليوم: كونوا واضحين متل الشّمس

بيخبّر شب كان موجود بمظاهرة ضد مطمر زبالة. بس خلِص الإعتصام هوّي و فالِل عم يمشي تا يوصل عا سيّارتو بيشوف شب تاني كان موجود بنفس المظاهرة معو قنّينة مَي بإيدو كَبها عالأرض و بقي ماشي!! كيف معقول اللي عم يطالب انّو ما يكون في مكب زبالة حدّ بيتو هوّي عم يجوي نفس المطرح!!؟ الزوّادة اليوم بتقلنا ما فيك تحكي شي و تعمل العكس! ما فيك تقول انت مؤمن و بتحب الرب و انت بتتصرّف عكس تعاليمو. ما فيك تقول انا مسيحي و انت ما عم تتصرّف عهالأساس و لا بتروح عالكنيسة! ما فيك تقول انا بحب امنا مريم و ما تسمع شو بتطلب منّك و بتوصّيك!! كونو واضحين متل الشمس و خلّو حياتكن تكون مراية لقلوبكن و لأفكاركن و لإيمانكن...الله معكن