بنات الناس مش لعبة

[walaa farouk]

بنات الناس مش لعبة.

تعبير عبقري بس عاوز كمالة..

فيه ولاد بيستغلوا مشاعر و رقة و سذاجة البنات، يعاكسوا و يقربوا زيادة
، و بعدين يلعبوا في دماغهم.. شوية نت علي شوية خروج علي شوية إغراء علي خروجات وحشة ..
و لما ياخدوا غرضهم (للأسف ) ، يسترخصوا البنت الطيبة دي،
و يسيبوها تتشوي علي نار الهجر و الظلم و الندم، و يدوروا علي "لعبة" تانية يتسلوا عليها ..

بنات الناس مش لعبة ، و ياللي لعبت بيها بكرة يجي لك اللي يلعب بيك
و يشويك بنار الظلم زي ما ظلمتها و اكتر شوية .. دي بنت الملك و ليها أب بيدافع عنها..

لكن المثل ده له كمالة "من غير زعل" ..

انتي اللي اديتي له الفرصة يلعب بيكي..
عملتي كده لأنك ما خدتيش مشورة ربك و لا مشورة عقلك و لا مشورة عيلتك..

عملتي كده لأنك ما فهمتيش أن الحب اللي مش جد ما لوش رجلين
، شوية بخار يطيروا في الهوا و ما يرجعوش تاني ..

الحب الجد يعني قرار ارتباط في النور قدام ربنا و قدام الناس
و قدام العيلة المحترمة اللي انت جاية منها ؛ مش شوية لعب ببنات الناس
نضيع فيه كرامتهم و شرفهم و عزة نفسهم..

بنات الناس مش لعبة بس انتى اوعي تدي لنفسك فرصة حد يلعب بيكي ..

للولاد اوعي تلعب بحد ..
و للبنات اوعي تسمحي لحد يلعب بيكي ..