سايس عقلك

[walaa farouk]

عنوان غريب مش كده ؟؟

اصل الجسم البشري بيدور علي حاجات كتير
ممكن تكون مضرة ، و العلم اكتشف
ان ممكن تفهمه عليه و تسايسه
و تدي له اللي هو عاوزه بس بطريقة صح ..

مثال : اللي عنده سكر، بنديله "مُحليات" غير ضارة زي انواع من سكر الفاكهة أو السكر الصناعي (الآمن طبيا)
، و نتفاهم مع فمه و عقله، فيستطعم حاجة حلوة
من غير ما يضر نفسه..

كمان اللي عاوز يخس، بنحط في الطعام اكلات صحية
او بعض مشتقات طبية تملا المعدة (برضه آمنة)
، علشان يحس بالشبع..

و المخ كمان ممكن نسايسه، لأنه بيدور علي حاجة تفرحه علي طول
، و فيه مواد (دوبامين و سيروتونين )
اسمها هرمونات السعادة،
هي دي اللي بتطلع بوفرة في مواد الإدمان (المخدرات)
و لقيناها كمان في النت و الموبايل..

بنعمل ايه علشان نسايس عقلنا و نسعده بجد ؟؟
بنديله البديل ، و البديل اي حاجة تفرحه بجد ،
ادي له "دوبامين بديل" ، صداقة حلوة ،
رياضة ناجحة، عمل أو هواية مبهجة ،
دراسة أو مهارة جميلة نتعلمها، خدمة و ترانيم و عبادة مشبعة..

سايس عقلك .. الفرح الحقيقي هو الحل ..