زوّادة اليوم: تعلّم من النحلة

[souad jaalouk]

زوّادة اليوم: تعلّم من النحلة
مرّة اجو ناس عم يتشكّو للمختار بضيعة بعيدة انّو في كتير نحل و هالشي عم يزعجن. قلّن المختار الختيار انّو النحلة اذا منراقب طريقة حياتها و تصرّفاتها رح نتعلّم منها اشيا كتير! استغربو و سألوه متل شو قصدو. جاوب: النحلة بس تاكل رحيق طيّب بيكون العسل طيّب و نحنا لازم بس حدا يكون منيح معنا نبادلو بالمثل و بس حدا يخدمنا نحفظ المعروف و نردّلو الجميل شي يوم. و تاني درس منتعلّمو من هالمخلوق الزغير انّو بس تغطّ عا غصن او حتّى عود زغير ما بتكسرو و نحنا هيك حلو يكون وجودنا خفيف و ما نتقّل عا غيرنا و اذا حسّينا 1% انّو مش مرغوب فينا بكل بساطة نبعد متل ما النحلة بس تحسّ انّو لُوِي العود و يمكن ينكسر بتطير وحدها!
اذا منراقب كل المخلوقات بكل واحد رح نلاقي حكمة...الهي ما اجملك...ما ابهاك في خلائقك! الله معكن