اسال ربنا

[walaa farouk]

الإيد اللي بتدي الخير والبركة والعناية، تبقى هي نفس الإيد اللي بتاخد وبتدي المرض والظلم والتعب!! تفتكروا ده منطقي أو دي حاجه معقوله تتصدق؟! لو الله بيجيب لنا الآذى والمرض والفشل، أومال إبليس بيعمل إيه؟ أوقات كتير مع الظروف الصعبة اللي بنمر بيها والضغوطات عينيا بتنزل من على ربنا ونقوله لو مكُنتش عايز ده يحصل مكُنتش سمحت بيه، وطالما سمحت يبقى انت موافق تعذبني وتجرحني وتعاقبني.. الله مش بيناقض نفسه ولا يقدر ينكر عهده ومايعملش اللي قال عليه، وهو وعد بالبركة لأولاده ولكل اللي هيمشوا في سكته ويتكلوا عليه، طب ليه الشر والوجع اللي بيحصلنا ده، لأنه ببساطه أوقات بنبقى أحنا سبب في مشاكل وأوقات تانية كتير فيه عدو دايماً عايزنا نشك في ربنا وفي محبته لينا، وللأسف بيجي يمسكنا من أكتر الحتت اللي بنبقى واقعين أو تعبانين منها.. شطارتك انت بقى ماتسيبلوش الفرصة دي، لو تعبان أو عندك أسئلة أو في حاجات مش فاهمها أسأل ربنا هيدلك على الطريق وهيساعدك