|
 |
 |
 |
|
رقم المشاركة : ( 1 )
24 - 10 - 2017, 12:23 AM
|
|||||||||||
|
|||||||||||
 في نبي عظيم ف العهد القديم اسمه "نحميا" ؛ ربنا اختاره علشان يشجع بني اسرائيل ويرجعوا يبنوا اسوار اورشليم اللي كان بقالها سنين مش مبنيه .. وطبعآ علشان يعمل عمل زي ده كان لازم يقابل صعوبات كتير وناس تحاربه و تحبطه ؛ لكنه كان واثق ف الله وف نجاحه اللي هيتحقق .. وهو اللي قال الأيه الخالده "اله السماء يعطينا النجاح ونحن عبيده نقوم ونبني" ✔ نحميا كان بيعمل حاجه غريبه .. كان كل ما بيقدم لربنا خدمه او ينفذ وصيه يقول لربنا "اذكرني يا الهي بالخير" يعني هو ربنا مش واخد باله من اللي نحميا بيعمله ؟! ولا محتاج انه يوصيه عليه _مثلآ_ ؟! لأ .. عارف ومقدر جدآ .. بس نحميا برضه كان عارف ان ربنا مبيكسفش اللي يطلبه وكان بيطلب منه ب محبه وعشم انه "يفتكره بالخير" ؛ ويعوضه عن كل الصعوبات اللي قابلته ف حياته ✋ .. اذكرني يا الهي بالخير .. علي كل وقت وقعت فيه بجهلي وضعفي وعافرت علشان اقوم علي كل حاجه عملتها علشانك مهما كانت بسيطه وصغيره ؛ علي كل "فلسين" قدمتهملك برضا وفرحه وكانوا كل اللي حيلتي علي كل مره نطقت اسمك وطلبت منك قوه و سند ف وقت الضيق والشده علي كل دمعه نزلت من عيني وانا مستحمل وصابر علشانك رغم الوجع علي كل لحظه كنت واثق فيها انك مش هتسيبني لوحدي ؛ لأنك أمين ووعودك صادقه يمكن غلطاتي كتيره ؛ ويمكن ضعفاتي اكتر بس انا عشمان فيك وف حبك فَاذْكُرْنِي يَا إِلهِي بِالْخَيْرِ .. 
|
|
| قد تكون مهتم بالمواضيع التالية ايضاً |
| الموضوع |
| اذكرني يا إلهي بالخير |
| الان يالهى شدد يدى |
| اذكرنى يا إلهى بالخير |
| يالهى |
| اين انت يالهي |
العرض الشجري