|
 |
 |
 |
|
رقم المشاركة : ( 1 )
17 - 06 - 2017, 07:49 PM
|
|||||||||||
|
|||||||||||
|
في يوم المسيح شاف حبة صيادين خارجين م الماية يأسيين و متنكدين ومكتئبين...و السبب كان انهم طول النهار بيحاولوا يصطادوا و مجابوش سمكة!! المسيح ماراحش يوعظهم!! ولا قالهم ماهو كل دا بسبب انكم بعيد عن ربنا..ف مش مباركلكم ف شغلكم!! ولا راح يقولهم مانتوا اللي فشلة و العيب فيكم!! ولا قالهم سمك ايه اللي انتوا زعلانين عليه دا..مانتوا معاكوا نعم كتير أحسن م السمك..احمدوا ربنا ع المراكب اللي عندكم مثلا غيركم مش لاقيها!!! ولا حتي راح قالهم سيبوكم من السمك و الحاجات الارضية دي ...و بصوا للسما احسن و اطلبوا الملكوت!! المسيح بكل بساطة أخدهم و دخل معاهم الماية تاني و إداهم اللي عنده و سد احتياجهم الاول قبل أي حاجة و بعد كدا وعظهم وخلاهم تلاميذ ليه حتي في الاول لما قالهم ادخلوا للعمق...و قالوله ماحنا م الصبح ف البحر و ماصطدناش حاجة مازهقش من يأسهم...ولا قالهم خلاص خليكوا كدا دانتوا مقرفين صحيح!!! بالعكس....راعي انهم تعبانين طول اليوم بسبب احتياجهم دا و استحمل يأسهم و نكدهم و كمل معاهم للأخر  ****** لو سمحت لما تقابل حد تعبان او مكسور او مكتئب بسبب احتياج معين تاعبه وخانقه بلاش توعظه... بلاش تتفه من احتياجه دا.... بلاش تقنعه انه لسة بعيد عن ربنا ف عشان كدا احتياجاته مابتتسددش... بلاش تقوله صلي بس و كل حاجة هتبقي حلوة... بلاش تقوله سيبك من دا و بص احسن ع النعم اللي ف ايدك.. عشان ف الاخر الاحتياج هيفضل احتياج...و التعبان هيفضل تعبان....و الكسرة هتفضل موجودة و انت بكل كلامك دا بتتعبه اكتر و تقرفه اكتر ف لو سمحت....لما تقابل حد عنده احتياج معين لو مش هتعرف تعمل زي المسيح و تسدد احتياجه دا...ع الاقل إعمل زي المسيح وإسكت و ماتتعبوش أكتر 😏 #الاحتياج #ماتتفهش_من_احتياج_حد #سدد_احتياجتنا_يارب 
|
|
| قد تكون مهتم بالمواضيع التالية ايضاً |
| الموضوع |
| اهم احتياج |
| “يا ساتر” هي احتياج |
| احتياج هام وضروري |
| ليس إني أقول من جهة احتياج |
| احتياج |
العرض الشجري