يسوع نفسه بكى

[walaa farouk]

عارفين ان الابتسامة بتزيدنا جمال وعلامه مهمة على فرحتنا وانبسطنا ودايما بنحب نبان قدام الناس مبسوطين، علشان مايقولوش علينا فقريين ونكَديين، لكن لما دموعك بتنزل غصب عنك قدامهم، بتحس بإيه! صورتك هتتهز في عيونهم مثلاً، هيقولوا عليك ضعيف، ما هو الرجالة مابتعيطش؟!
الحقيقة اننا كلنا بشر والكتاب قال للفرح وقت وللبكاء وقت، طبيعي انك تعيط والناس تشوف دموعك، لما بيحصل موقف كبير بالنسبة لك، اكبر من انك تتحمله ودموعك مش معناها انك بتتذمر على ربنا، ولا لما تبقى في موقف قلقان منه ودموعك تنزل يبقى معناه انك مابقتش واثق في ربنا! احنا لما بنفرح بنعيط ومش بنتكسف الناس تشوف ده، ليه بقى في الزعل بنتكسف، وبندارى! الله بيقدر مشاعرك وكل اللي بتمر بيه، والكتاب المقدس نفسه شهد ان يسوع بكى!