لو كانوا سألونا قبل ما يولدونا عارفين كنا نقول أيه؟

[walaa farouk]

تعالوا نتخيل دقائق اننا عندنا حرية الأختيار.. اجابتك على السؤال ده هتكون ايه؟! تتمنى تتولد فين؟ ايه الوضع الإجتماعي اللي كنت تتمنى تعيش فيه؟ ممكن تكون أمنياتك مثلا أنك تتولد في عهد الطبقات الأرستقراطية وتكون واحد منهم، أو أنك تكوني ذات قوام مرشوق وعنين واسعة أو ... أو .... أو .... كل واحد هيتفنن طبعا في أنه يحط أمنياته..

عارفين .. فيه واحد كان عنده إمكانية انه يختار المكان اللي هيتولد فيه وازاي يعيش وكل حاجة قبل ما يتولد، بس هو اختار أنه يتولد في مزود ومكنش معاه فلوس يدفع الجزية، ومكنش عنده مكان يسند راسه، وأختار أنه يتولد زي أفقر الفقراء علشان يعيش في وسطهم ويحس بيهم، بالرغم من انه ملك الملوك وكان ممكن أنه يختار أنه ميتولدش، أو يتولد كملك أغنى من كل الناس، بس هو أختار ده محبة وتضحية منه عشاني وعشانك..