هو الله

[walaa farouk]

هو الله..
كلمتين صغار بس شايلين جواهم جبال من المعاني.

هو الله
… يعني مفيش حاجة بعيدة.
يعني اللي ضاع يتلقي ، واللي اتكسر يتلَم،
واللي اتأخر يجيله معاد أجمل من اللي كان مستنيه.


هو الله…
يعني القوة اللي بتسندك وانت مش قادر،
والسلام اللي بينزل فجأة من غير سبب،
والطمأنينة اللي بترجع قلبك بعد ما كنت فاكر
إنك خلاص مش هتعرف تحس بيها تاني.

هو الله…
اللي لو قال “كن”… هتكون.
واللي لو لمس وجعك.. يخف.
ولو فتح باب… هتدخل منه حتى لو الدنيا كلها قفلت.

كلمتين… بس هما مفتاح كل حاجة.
لأنك لما تقول “هو الله”، تبقى بتسلم، وبتطمن، وبتقوله:
“أنا ضعيف… بس إنت قادر.”

💛✨