الأجمل إنك تكون أنيسيفورس لغيرك

[walaa farouk]

كتير بنسمع عن برنابا..
لكن مش كلنا عارفين ... أنيسيفورس…
مش مشهور، لكن وجوده كان فارق في حياة بولس.

بولس نفسه قال عنه إنه أراحه، وماتكسفش من سجنه
، بالعكس… دَوَّر عليه لحد ما لقاه👌
ومش بالصدفة إن اسمه معناه “حامل النفع”
… لأنه كان فعلًا سبب نفع لبولس في أصعب وقت.🤝

اللي يفرق مش عدد الناس اللي حوالينا… لكن نوعية الناس..

ياما في ناس قريبة منك لكن وجودها مش بيطلعك لقدام.
وفي ناس ربنا يبعتهم في حياتك زي أنيسيفورس…
وجودهم يشيل عنك، يشجعك، ويقولك إنك مش لوحدك🫂

والأجمل… إنك كمان تكون أنيسيفورس لغيرك.
ماتدورش بس مين هينفعك… لكن اسأل نفسك:
إنت وجودك بيجيب نفع لمين!