لكل يوم زوّادة: لا تُدينوا كي لا تُدانوا : 24 / 2 / 2022 /

[souad jaalouk]

لكل يوم زوّادة: لا تُدينوا كي لا تُدانوا

بيخبرو عن مَرا قلها جوزها هودي اخواتك كتير مصلحجيّي، لمّا كنت إشتغل و كان معنا مصاري كانو يضلّو عِنّا و لمّا خفّ شغلي و ما بقا معنا قدّ قبل ما بقا شفناهن عِنّا!
قالتلو مرتو انا بشوفها بغير طريقة انّو لمّا بطّل وضعنا منيح ما بقا يِجو كتير حتّى ما يحرجونا و نِضطرّ نضيّفهن اشيا يمكن ما عِنّا غيرن!
الزوّادة اليوم بتقلنا قد ما كنت متأكّد من الشغلة و شايفها كتير صحّ عا طول في وجهة نظر تانية بالموضوع! و لا مرّة تاخدو قرار قبل ما تْكَونو فكرة عن كل وجهات النظر المتعلقة فيه... و تذكّرو انّو بيقلنا يسوع المسيح لا تدينوا كي لا تدانوا...اكيد كل شي في من وراه سبب يمكن عيوننا اللي عاميها الغضب مش شايفتو... الله معكن