لكل يوم زوّادة: مخاطر الكذب : 9 / 7 / 2021 /

[souad jaalouk]

لكل يوم زوّادة: مخاطر الكذب

من اقوال احد الكتّاب: "من يكذب مرّة لا يدرك قدر الورطة التي وقع فيها، فعليه ان يخترع 20 كذبة اخرى للحفاظ على هذه الكذبة."
فعلا هيك...الكذب بيكرّ متل المسبحة، اوّل كذبة بس تقرّب تنكشف بينجبر صاحبها يغطّيها بكذبة تانية و هيك بيصيرو يجرّو بعضن و ما بقا بيقدر يوقف!
اريح شي انّك ما تفوت بهالدوامة من الأساس لأنّو الطلعة منها صعبة كتير! يسوع كان عارف كتير منيح لوين بيوصل الكذب كرمال هيك حَذّرنا و قلنا: ليكن كلامكم: نعم نعم لا لا وما زاد على ذلك فهو من الشرير... لو فكّرتو اوقات انّو كذبة بتوفّر عليكن موقف صعب و بتخلّصكن من مشكلة كونو اكيدين انها رح تصير متل طابة التلج رح تكبر و تكبر و بالآخر رح تنكشف هيّي و كل اللي اجو من بعدها و بوقتها المشكلة اللي هربتو منها بالأصل رح تصير مشكلتين و تلاتة! فكرو فيا و الله معكن