ديك البرابر

[walaa farouk]

اكتر حاجة بتخلي اي راجل واقف علي رجله و حاسس برجولته انه يشوف نفسه مالي عنين مراته و مكفيها
الراجل حياته متقسمة لمهام يجب انجازها و من ضمن المهام دي و من اهمها هي انه يحس بانه قادر يشبع أمرأته و مكفيها لان دا بيمنحه الثقة و الاستقرار النفسي
و اكتر حاجة ممكن تحبطه هو انه يلاقي نفسه في مقارنه اكبر من امكاناته و انه يشوف الاحباط و عدم الرضا في عينيها و في نبره صوتها و انه مهما عمل من وجهة نظره مش هايعرف يرضيها
و النتيجة انه بيتوتر و بيلجأ لسلوكيات غير طبيعية زي العصبية و افتعال الازمات و التلكيك و اتهامها بانها نكدية مثلا
او انه يسيطر عليه الاحباط و الاكتئاب و يبقي منزوي و طول الوقت بيتهرب من اي مسئولية تحسسه بفشله قصاد الست بتاعته
#الراجل نفسه قصير و ملوش في الدهاليز بتاعة الست و قليل اللي بيفهموا دا
ربنا خلقه كدة. فردة واحدة في مخه اللي لازم تشتغل مش زي الست. الجنبين شغالين نار في وقت واحد
يعني لازم يتعامل بالمهمة و يتتطلب منه شئ محدد واضح عشان ينجزه
من غير تقبل و احتواء ليه و مع استمرار وضعه تحت الضغط النفسي بتاع انت قليل و مش مسيطر و لا مكفي بيتك ممكن يهرب و يحاول يدور علي منطقة انجاز جديدة حتي لو وهمية حتي لو فيها بعض الخداع و الانتصار المؤقت الزائف بس يحس انه مرغوب و مقبول و يحظي ببعض من الاحترام ..
يعني يشوف نفسه سبع و غضنفر
#الراجل اكتر شئ بيسعده التقدير و الشعور بثقة زوجته و تقبلها له كما هو دا يعني لو عايزة تفهميه من غير حمقة و سخونية بتاعة اشمعني و ليه هو ازاي
#ديكك_علي_ما_تطفشيه