اتعلموا من المراة ذات الفلسين

[walaa farouk]

انا كنت مسئول عن خدمة جمع العطا في اجتماعي فترة من حياتي .. كنت كل مرة بيصعب عليا أوي اني بشوف انه اللي مابيخدهوش سواق الميكروباص واللي مايتصرفش في حته علشان مش احسن حاجة بيدوه لربنا و كأنه " يلا مش فارقة أي حاجة أحطها!! "

" وإن قربتم الأعمى ذبيحة، أفليس ذلك شرا؟ وإن قربتم الأعرج والسقيم، أفليس ذلك شرا؟ قربه لواليك، أفيرضى عليك أو يرفع وجهك؟ قال رب الجنود - ملاخي 1: 8 -

وكأن ربنا بيقول انتم بتدوروا على اللي محدش بياخده وبتجبوهولي أنا!! انتوا بتعرفوا تقدموا للناس كويس بس لما بتيجوا عندي انا .... !

والرب هنا في الأية دي بيقول لشعبه زمان والكلام ده لينا احنا دلوقتي: هو أنا عندكم ليَّ قيمة؟ انتوا بتعرفوا تكرموا الناس يعني لما بتعملوا عزومات بتقولوا كل واحد بيقدم قيمته!!
طب لما بتتعامل مع ربنا مش بنديله مقامه ليه؟ اتعلموا من المراة ذات الفلسين!!