"أرسلني لأعصب منكسري القلب"

[walaa farouk]

"

أرسلني لأعصب منكسري القلب" - اشعياء ٦١-
أو بمعنى أبسط شويه " انا جاي مخصوص علشان أداوي الناس اللي نفسيتها موجوعه ومجروحة، مش بس اطبطب عليها، لا دا انا هشفيها، مهما اتكلمنا وحكينا وقلنا محدش هيقدر يحس بالوجع اللي جوانا غير اللي عدى فيه زينا، طب لو مافيش حد فيه، مش هنلاقي حد يحس بينا، أوقات كتير من كتر الوجع ده مابنبقاش قادرين حتى نتكلم.. صدقوني وعن تجربة " الله بيعرف يشفي كويس اوي، اصغر التفاصيل اللي ممكن تكون حتى مش في دماغنا او نسيناها ووجعتنا فــ مرة، الله عارفها، جرحك مهما كان تافه وصغير بالنسبة للناس، لكن هو عنده الموضوع مهم، الله عنده شفا وحرية من الوجع، لو انت فعلا عايز ترتاح روح له، قوله اشفيني من الوجع اللي جوايا، انا تعبان ومش قادر أكمل حياتي بالوجع ده، وشوف هو هيعمل معاك ايه..
..