"أيه باقي مني؟!"

[h.cat93]

"أيه باقي مني؟!"
..جسدي مصيره للتراب"مش فاضلك"
..وان كان عالمال،طالت قصرت"أهو سايبك"
°يمكن باقي مني:
..كلمة عتاب تتشالي"أنا بعاتبك"
..أو مساعدة لشخص احتاجها"ممكن أساعدك"
..يمكن حب وزعته عاللي حواليا"أنا بحبك"
°يمكن باقي مني:
..كلمة تشجيع"قدها وتقدر،عيش قدك"
..أو دمعة ع شخص زلزلت قلبه الحجر"أنا مهتملك"...
..يمكن أسفي ع أخطائي"أنا غلطان،ع رأسي حقك"
°يمكن باقي مني:
..كلمة نصح جات ف مكانها"حب نفسك"
..أو سكوتي وسماعي للي محتاج يتكلم"أتكلم أنا سامعك"
..يمكن بسمة رجعت الأمل لفاقدها"ياعم أضحك"
°يمكن باقي مني:
..كلمة وهبت حياة للموتي"عامل أيه؟ أزيك" ..
أو مبدأ عشته،أثر ف غيرك"دا أثرك" ..
يمكن فشلي وعنادي أنجح،ساب مثل لغيري،ماصدق لقاه"واجبي وحقك" ..

باقي مني الذكري الحلوة والكلمة الطيبة.. باقي.

م.هاني صموئيل
Eng.Hany Samouel

[ناردين]

جميله يا هاني
شكرا لك

[Hany Meshel]

مشاركة اكتر من رائعة
يا هانى

[حمامة السلام]

حلوة اووووووووووووووووووووووووى بجد

ربنا يبارك فى خدمتك المميزة ويفرح قلبك

[Ebn Barbara]

وحشنا كلامك الحلو ياكونت
تسلم ايدك