|
 |
 |
 |
|
رقم المشاركة : ( 1 )
01 - 12 - 2012, 06:18 AM
|
|||||||||||
|
|||||||||||
|
تأمل أنا الزلطة  انا الزلطة أيوة انا الزلطة أيوة انا باعرف أتكلم , إنت فعلا سامعني , مش غلطة كنت مرمية في الصحرا كنت تايهة وحياتي مني فارطة كانوا إصحابي الزلطات يقولوا لي انتي جيتي الدنيا غلطة وكنت حاسة إني صغيرة اوي لكني كنت قدامهم متآلطة لحد ما في يوم م الأيام جات مسكتني إيدين صغيرة فسألت صاحبها اكيد إنت مش واخد بالك أكيد فية غلطة رد عليا وقاللي لأ إنتي اللي أنا عاوزها من غير مغالطة قلت لة : لية عاوزني في إية , أنا ما انفعش ببصلة قاللي بصي شوفي حتعملي إية ولمّي كل اصحابك اللي بيقولوا عليكي غلطة ولقيتة فجاة راح حطني في نبلة وشفت واحد ضخم مخيف جاي يقرب علي أنا وصاحب النبلة كنت من الخضّة حقع من إيدين الشاب الصغير فارطة لكن أبو إيدين صغيرة قاللي ما تخافيش وشوفي بعينيكي المفاجأة وفجأة لقيت نفسي من النبلة فالتة  لقيت نفسي رايحة في إتجاة الراجل دة اللي ضخم الجثة فإترعبت وبسرعة صرخت لربنا قلت لة إلحقني يارب القدرة لقيت نفسي بقدرة قادر في دماغ العملاق دة راشقة وتخيلوا ! انا الزلطة الصغيرة الضعيفة الخايفة وقع قدامي العملاق المخيف في ثانية  طبعا كل اصحابي بقوا مش مصدقين بعد ما كانوا فاكرين دي محاولة فاشلة خايبة ولقيتهم كلهم بيسقفوا لي انا الزلطة الصغيرة الخايفة لكن انا مابقتش زي الاول لنفسي صغيرة شايفة ولا كمان إتكبرت وبقيت عايقة و لنفسي شايفة لكن عرفت سر القوة اللي جات لي فجأة عرفت إن دي قوة مافيش عيون ليها شايفة لكن دي قوة قدامها كل اعداءها بتبقى خايفة دي قوة رب الجنود اللي مسكتني و بي عملت معجزة حقيقية مش زايفة دي قوة رب القوات اللي خلت بي , داود هزم جليات , وبقيت قوية بعد ماكنت ضعيفة وخايفة التعديل الأخير تم بواسطة Magdy Monir ; 01 - 12 - 2012 الساعة 08:34 PM 
|
|
01 - 12 - 2012, 07:07 AM
|
رقم المشاركة : ( 2 ) | ||||
|
† Admin Woman †
|
رد: تأمل أنا الزلطة
شكرا على المشاركة المثمرة
ربنا يفرح قلبك |
||||
|
|
|
01 - 12 - 2012, 08:36 PM
|
رقم المشاركة : ( 3 ) | ||||
|
..::| VIP |::..
|
رد: تأمل أنا الزلطة
شكراً أختى مارى على مرورك الجميل
|
||||
|
|
 |
|
العرض العادي
