|
 |
 |
 |
|
رقم المشاركة : ( 1 )
يوم أمس, 01:46 PM
|
|||||||||||
|
|||||||||||
|
حادثه غيرت حياة مريم تماما .. مريم ارمله ومعاها ٣ بنات وولد، اكبر واحده فيهم فى ٣ اعدادى .. مريم بتشتغل مدرسه فى حضانه خاصه وده مصدر دخلها الوحيد .. فى يوم مريم وهى رايحه الحضانه الصبح خبطها توكتوك ، رجليها اتكسرت واتجبست .. الدكتور كتبلها على راحه تامه ماينفعش تتحرك .. طبعا فى شغلها مافيش اجازه مرضى والكلام دا .. صاحب الحضانه قالها اليوم اللى هاتغيبيه على حسابك .. ده هى مش متأمن عليها اصلا عشان صاحب الحضانه مايدفعش عليها ضرايب وتأمينات والكلام ده ، قالتله بس انا مش هاقدر اتحرك قالها ربنا يشفيكى وقفل فى وشها التليفون.. تانى يوم مريم حاولت تروح الحضانه لكن وقعت والجبس فك واتعملها مضاعفات .. فى الكسر .. فضلت تبكى جامد ، هاتدفع منين ايجار البيت طيب مصاريف الولد والدروس بتاعتهم ... فضلت تصلى جامد لربنا ، يارب انا ماليش غيرك مافيش حد يسندنى غيرك ، انت ابو الارامل واليتامى وعيالى يتامى ارجوك استرنى وماتخلنيش امد ايدى لحد .. الصراحه مريم كانت نفسها عزيزه جدا عمرها ماطلبت قرش من حد .. يوم ١٥ ديسمبر الساعه ٨ بالليل مريم بتقول الليله دى كانت برد جدا ، وكنت قاعده فى اوضتى لوحدى ومقفله الشبابيك كويس قوى ، قاعده بصلى ووشى كله دموع ، لكن حسيت ساعتها بنسمه هوا جات عليا جميله جدا ، لدرجه انى اخدت نفس عميق وحسيت براحه عجيبه واطمئنان قوى .. وكأن ربنا بيقولى ماتخافيش انا جنبك .. تانى يوم لاقيت بنتى داخله عليا بتقولى يا ماما ايه رايك تعملى اكل من البيت ونبيعه وانا هاساعدك واهى شغلانه لغايه ما تفكى الجبس .. بالفعل عملنا كدا والحمدلله من ديسمبر اللى فات لغايه يومنا دا ، الدخل زاد اضعاف اضعاف ما كنت باخده من الحضانه ده غير انى بقيت صاحبه مشروع ومديرة نفسى .. مريم بتقول ربنا قبل ما يقفل باب بيكون مجهز لينا باب اكبر واحلى من الباب الاول .. 
|
 |
|
العرض العادي
