|
 |
 |
 |
|
رقم المشاركة : ( 1 )
14 - 02 - 2026, 10:29 PM
|
|||||||||||
|
|||||||||||
|
باع الحمار بتاعه عشان العذراء… بس العذراء ما سابتهوش لحظة واحدة! 🤍🕊️ اللي في الصورة ده حبيب العذراء… العذراء كانت بتنادي عليه وتقول له: "يا غالي"… وده عم عباس. عم عباس اتولد في بهجورة في الصعيد… وفضل طول عمره قلبه متعلق بربنا وبـ أم النور. وفي يوم من الأيام البلد ماكانش فيها كنيسة… فوقف وصلى من قلبه وقال: "يا رب… نفسي أبني كنيسة للعذراء… بس أنا معيش فلوس." ويا سلام بقى على تدبير السماء! ✨ بعدها بكام يوم… راجل قال إنه عايز يبيع أرض… وعم عباس رفع عينه للرب وللعذراء وقال: "يا عدرا… نفسي أبنيلك الكنيسة هنا… وأنا معيش!" وفي نفس اليوم… وهو نايم… الباب خبط. فتح… لقى واحد بيقول له: "العذراء بعتالك فلوس الأرض يا غالي… وبتقول لك اشتري." أخد الفلوس… وفضل مش فاهم مين ده… ومشي! تاني يوم راح… لقى إن المبلغ هو هو… بالظبط ثمن الأرض. اشترى الأرض… ورفع عينه تاني وقال: "يا عدرا… عايز أبني الكنيسة." ومن هنا تبدأ الحكاية اللي تهز القلب… 🥺🤍 عم عباس باع بيته… وبدأ يبني. وجاب قسط… وفضل يجمع من الناس… لحد ما بقى معندوش مكان ينام فيه! وكل اللي فاضل معاه… كانت الحمارة بتاعته… اللي بيركبها. وجِه ميعاد القسط… راح عمل أغلى تضحية: باع الحمارة عشان يدفع اللي عليه… عشان الكنيسة تكمل. بس العذراء… ما بتسيبش اللي تعبوا عشانها 🤍 في نفس اليوم… العذراء بنفسها جاتله… وادته فلوس وقالت له: "خُد يا غالي… عشان تكمل الكنيسة." والكنيسة دي… لحد النهارده… فيها معجزات. وكتير ناس كانت محرومة… راحت هناك وربنا فرّحها. وكتير صلّوا وقالوا: "يا عدرا… عشان خاطر عباس الغالي… فرّحيني." والعذراء ما كسفتهمش… 🤲🕊️ لو إنت/إنتي مستني/ة معجزة النهارده… ارفع عينك للرب وقول: "يا رب… يا عدرا… عشان خاطر عم عباس… فرّح قلبي." 🤍 ويقال إن العذراء قالت: اللي هينشر سيرة عباس الغالي… هفرّح قلبه ♥️ 
|
 |
|
| قد تكون مهتم بالمواضيع التالية ايضاً |
| الموضوع |
| أنا بتاعه هو |
| الحمار الذى حمل ايقونة العذراء وذهب وحده الى الدير |
| اخطيت بتاعه فرعون غرقته اخطيت بتاعه الابن رفعته |
| نصائح للتعامل مع أنثى العذراء عشان متخسرهاش |
| التاتش بتاعه |
العرض العادي
