|
 |
 |
 |
|
رقم المشاركة : ( 1 )
10 - 11 - 2025, 08:06 PM
|
|||||||||||
|
|||||||||||
|
حاسس إنك بتجاهد في كل حاجة؟ في طريقتك مع الناس، في شغلك، في كلامك، في سكوتك … حتي في بساطه قلبك حتى في نفسك. بتحاول تكون هادي..وتسامح ..وتعدي بس بتلاقي نفسك بتتوجع كل مرة أكتر بتحاول تراضي اللي حواليك، بس كل مرة فيك جزء صغير بيكسَر عشان يرضيهم. بقيت حاسس إنك في حرب يومية، مش عشان تكسب حاجه لا بس عشان تفضل واقف كل يوم بتحاول متقعش، بتحاول متتكسرش، بتحاول متفقدش الإحساس بالحياة. وفي وسط ده كله، بتسأل نفسك: ليه لازم أتعب كل ده عشان أكون بخير؟ ليه كل حاجة حلوة لازم يسبقها وجع؟ ليه السلام بقى محتاج مجاهدة؟ طب ربنا عاوز يوصلك رساله لو لسه بتقوم رغم التعب، ولسه بتحاول رغم الانكسار، ولسه قلبك بيحس رغم اللي شافه فأنت كويس جدًا. مش ناقصك غير حضن يطمنك، مش حد يحاسبك. بس افتكر دايمًا إن في حضن مستنيك، مش حضن بشر، حضن ربنا اللي قال: «تعالوا إليّ يا جميع المتعبين والثقيلي الأحمال وأنا أريحكم» (متى٢٨:١١). هو الوحيد اللي مش بيحاسبك، هو اللي بيشيل عنك الحمل اللي محدش شايفه، وبيطمنك إنك مش لوحدك… وإن جهادك مش رايح هدر. صلّي الصلوة دي: يا رب، أنا تعبت من كتر المحاولات، وتعبت من كتر الوجع اللي بداريه عشان أكمل. بس كل مرة بقع، بلاقيك هناك… مش بتعاتبني، لكن بتسندني. حضنك يا رب هو المكان اللي بيخلي تعبي له قيمه خليني أفتكر إنك شايف اللي محدش شايفه، وسامع أنيني حتى وأنا ساكت. علّمني أسيب الحمل في إيدك مش على كتفي، وأفتكر إنك أنت اللي بتجاهد فيّ لما أنا مش قادر أجاهد. ريحني فيك، وخلي سلامك يبقى اكبر من كل التعب اللي جوايا. 
|
 |
|
| قد تكون مهتم بالمواضيع التالية ايضاً |
| الموضوع |
| افتكر دايمًا إن الاهتمام بيتطلب |
| كل ما تحس انك مش شبعان افتكر دايمًا السامرية |
| افتكر دايما انه مستنيك وبيحبك | زكا العشار |
| افتكر دايمًا إنت مين في المسيح |
| افتكر دايمًا إن مفيش حد أرحم بيك من ربك، |
العرض العادي
