|
 |
 |
 |
|
رقم المشاركة : ( 1 )
19 - 09 - 2025, 08:03 AM
|
|||||||||||
|
|||||||||||
|
«وَأُعَوِّضُ لَكُمْ عَنِ السِّنِينَ الَّتِي أَكَلَهَا الْجَرَادُ» (يوئيل ٢: ٢٥). الجراد في زمن يوئيل ماكانش بس حشرة أكلت الزرع!! لا كان رمز لخراب من كله، المحاصيل راحت ، تعب السنين الطويلة بقى صفر ، والشعب عاش إحساس الفقد والخسارة!!😔 "أُعَوِّضُ" مش معناها إن الزمن هيرجع لورا، لأ، معناها إن ربنا يخلق من الخسارة غنى، ومن الأرض اليابسة زرع جديد. التعويض الإلهي أعمق من مجرد رد الحاجة اللي ضاعت، هو تجديد كامل....✨️ الوعد جه بعد ما دعا يوئيل الشعب للتوبة والرجوع للرب من كل قلوبهم.. وكأن ربنا بيقول: "حتى لو اللي فات راح بسبب خطاياكم أو ضعفكم أو ظروفكم، لما ترجعولي أنا أقدر أعوض وأجدد."💜 إلهنا مش بس بيغفر، لكنه كمان بيرد المسلوب ويحوّله لبركة. يمكن تبص على حياتك وتقول: "إزاي يتعوّض اللي راح؟!" احب اشجعك وأقولك، الله مش محدود بالزمن .،هو سيد السنين، وهو قادر يخلي اللي جاي يغلب اللي فات. 👌 قادر يخلي الأرض تنبت من جديد.. الفرح يرجع مكان البكا. . والسنين اللي ضاعت تتحوّل لشهادة جديدة عن أمانته👆 صلي معايّ في بداية يومك.. يا رب، أنا بسلمك السنين اللي ضاعت في حياتي. يمكن جراد الخوف، الخطية، أ و الظروف أكل كتير، لكن النهارده أنا برجعلك من كل قلبي. جددني، وردّ الفرح ليّ ، وخلي السنين اللي جاية تشهد لتعويضك اللي مالوش حدود.. آمين🙏💜 
|
 |
|
العرض العادي
