في عين إلهية شايفاك وبتوجّه خطواتك

[walaa farouk]

ساعات في ناس بتحس إنها تايهة وسط الزحمة …
زحمة أفكار، زحمة مشاكل، زحمة هموم.
ويفضل السؤال: “هو أنا رايح فين؟ وليه حاسس إني لوحدي؟”
لكن الكتاب المقدس بيقول:
📖 “أعلّمك وأرشدك الطريق التي تسلكها. أنصحك،
عيني عليك.” (مزمور 32:8)
يعني حتى وإنت مش فاهم طريقك، في عين إلهية شايفاك
، وبتوجّه خطواتك.
ممكن إنت تشوف الدنيا لخبطة، لكن هو شايف الخطة كاملة.
ممكن تحس نفسك تايه،
لكن الحقيقة إنك في حضن راعي صالح ما بيسيبش أولاده يضيعوا.
التأمل هنا إن الضياع مش النهاية… هو مجرد محطة ربنا بيستغلها
عشان يعلّمك تسمع صوته وسط الزحمة.
فحتى لو مش شايف غير خطوة واحدة… كمل،
وصدق إن عينه عليك.