|
 |
 |
 |
|
رقم المشاركة : ( 1 )
14 - 07 - 2025, 11:48 PM
|
|||||||||||
|
|||||||||||
|
في آخر أيام الرسول بولس، وهو في السجن، كتب لتيموثاوس رسالة مليانة حب وتشجيع، فيها بيقوله: “اُثْبُتْ فِي مَا تَعَلَّمْتَ”💪 بولس سلّم الراية لتلميذه اللي وثق فيه، مش بس كواحد عنده موهبة، لكن كواحد هيكمل مشوار ملكوت الله من بعده..🤝 الرسول بولس ماكانش خايف إن العمل ينهار بعده؛ لأنه عارف إن الخدمة مش مبنية على شخص، لكنها مبنية على نعمة ربنا اللي بتشتغل في حجارة_حية لكن كام مرة في حياتنا كان عندنا المنطق ده؟ كام مرة خوفنا نسيب مكاننا في الخدمة بحِجة إنه “مافيش حد بعدنا هيقدر يكمل زيّنا”؟😟 كام مرة اصدرنا حكم مسبق على مسؤول جديد إنه “مش قدّها” قبل حتى ما ياخد فرصته؟🤌 كام مرة حد كان مدعو يكمل في عمل الله، لكنه انسحب لأنه خايف مايبقاش بنفس كفاءة الشخص اللي قبله👆 جايز تكون النهارده مدعو تسلّم الراية، أو مدعو تمسكها وتكمّل مشوار بدأه حد قبلك. الاتنين مسؤولية، لكن الأهم إنك تثق إن دا عمل الله وهو اللي يضمن نجاحه ورسالته.🙏 “وَمَا سَمِعْتَهُ مِنِّي بِشُهُودٍ كَثِيرِينَ، أَوْدِعْهُ أُنَاسًا أُمَنَاءَ، يَكُونُونَ أَكْفَاءً أَنْ يُعَلِّمُوا آخَرِينَ أَيْضًا" 
|
 |
|
العرض العادي
