في حد مش محتاج Wi-Fi علشان يسمعك

[walaa farouk]

امبارح لما النت قطع، الدنيا سكتت…
كأن كل اللي بينا اتلغى، وكأننا ما بقيناش نعرف نوصل لبعض من غير شبكة.
وقتها بس، تكتشف إن في تواصل عمره ما بيقطع…
في سما دايمًا مفتوحة، حتى من غير تغطية.
في حد مش محتاج Wi-Fi علشان يسمعك،
مش بيطلب كلمة سر علشان يدخل قلبك، ولا بيقولك “برّة الخدمة”.
ربنا… التواصل الحقيقي اللي لا بينقطع، ولا بيهنج،
ولا بيختفي لما الدنيا تفصل.
هو الوحيد اللي وجوده مش متعلق بشبكة،
ولا حضوره مربوط بإشارة.
لما كل الحبال تتفك، هو الحبل اللي بيشدّك ليه.
ولما تفصل عن الكل، هتكتشف إنك اتواصلت بيه أكتر.
ارجع للي ما بيفصلش عنك أبداً…
حتى لو أنت فصلت.