جدعون وجيشه درس في الايمان

[walaa farouk]

جدعون وجيشه درس في الايمان 💪👌
📌 جدعون ثقته ف نفسه كانت ضعيفه شوية ومش مصدق ان ربنا ممكن يشتغل بيه
، بس ايمانه كان عظيم ، ربنا قاله هتحارب جيش مديان ،
وكان وقتها جيش مديان ١٣٥ الف رجل ، وجيش جدعون ٣٢ الف رجل ،
وربنا قاله جيشك عدده كبير ، قول لجيشك اللي خايف يحارب يرجع ✋🤌.
🤞طبعا انا لو كنت مكانه هاقول لربنا :
جيش ايه اللي كبير يارب دا انا مستقلهم ،
الغريب بقي ان جدعون قال لجيشه زي ما ربنا أمره ، وفعلا رجع من الجيش ٢٢ الف ،
وفضل ١٠ الاف، وبرضه ربنا شافهم كتير وصفاهم تاني ، لحد ما وصل عددهم ٣٠٠ راجل بس 😳😥
🕊 انتوا متخيلين يعني ايه ٣٠٠ راجل يحاربوا ١٣٥ الف راجل ، ده ايه الايمان والثقه الجباره دي 😳😉
🔐 وبصراحه اللي خلي القصة دي تيجي ف دماغي هو اني ..
كنت قلقان ع ابني ف حاجة معينة وكنت شايف حل ف دماغي لو حصل مش هاقلق 😉
🤲 ووقفت اصلي وبفتح الاجبية طلعلي مزمور ١١٦ وفيه الاية اللي بتقول حافظ الاطفال هو الرب
، وقتها حسيت ربنا بيقولي انا كنت معاه ف الايام اللي فاتت ، هل هاسيبه دلوقتي ؟🤔
☝ ولو كانت ارادتي ان تحصله الحاجة اللي انت قلقان منها، هل الحل اللي انت شايفه هايمنع ارادتي ؟ 🤌🤔
💎 ووقتها عرفت ان ايماني وثقتي بربنا ده صفر ،
وان الايمان ده مش مجرد ايمان بأن ربنا موجود ولا لا ، او ايمان بأن المسيح هو ربنا ولا لا
الايمان ده اسلوب حياة كامل انا عايش بيه وبفكر وبتصرف علي اساسه 👌♥️
⛔ وان قلقي وخوفي من المستقبل او من حاجة معينة او علي حاجة معينة ف حياتي
، ده ناتج عن تفكيري بطريقة من ٣ طرق 👇
1️⃣ اما بكون شاكك في قدرة الله انه ضابط الكون كله ، ووقتها انا بكون زي الملحد ،
لان زي ما الملحد لا يؤمن بوجود الله ، انا كمان شاكك في قدرته ،
وكأني بقوله الموضوع ده اكبر منك يارب 🥺🤦‍♀️
2️⃣ اما عارف ان ربنا يقدر لكن مش مصدق ف انه بيعمل دايما لخيري ،
والاشياء تعمل معا للخير ده وعد نص كم .. اصلي انا هاتظلم يبقي ازاي لخيري
، انا هافقد شغلي او حد من عيلتي ازاي لخيري .. إلخ😥🤦‍♂️
3️⃣ اما بكون بفكر في ربنا بتفكير سئ وانه هو زينا وبينتقم ،
انت عملت غلط طيب افرد ايدك عشان هاضربك ..
وان كان احيانا ربنا بيعاقبنا ولكن ليس للانتقام بل للتأديب👌
تأديبا ادبني الرب والي الموت لم يسلمني ♥️👌
#ثق_ف_انه_موجود ☝
#ثق_ف_انه_كله_للخير 🤌
#ثق_في_محبته_الدايمه_ليك ♥️