لكل يوم زوّادة: حياتنا ماراتون ... 13 / 6 / 2021 /

[souad jaalouk]

لكل يوم زوّادة: حياتنا ماراتون ...

اللبناني بيفتح عيونو عم يركض! لازم يركض يجرّب يعبّي بنزين تا يركض عالشغل اللي كلّو ركض بركض بيرجع لازم يركض عالسوبرماركت تا يجيب لولادو شي سعرو بعدو مقبول و يرجع يركض عالبيت تا يلحّق كهربا الدولة لأنّو الغسّالة ما بتدور عالإشتراك هيدا اذا كان في مَي و بيرجع كمان يركض يدرّس ولادو و يصلّي ما تروح الإنترنت هيدا اذا ما ركض يفتّش عا دوا مقطوع لأهلو! بيغفى من تعبو ما بيعرف كيف و بيرجع تاني يوم بيعيد نفس الشي!
حياتنا ماراتون بس بدون خريطة عم نركض نركض بس مش عارفين وين رايحين! يا رب وحدك البداية و النهاية، وحدك الألف و الياء، انت شايف بكرا و اللي بعدو و كل الإيام منصلّيلك و منطلب منّك تعطينا الصبر و القوّة نقدر نضل مكملين شو ما كانت الظروف و ما نستسلم ابدا و نآمن انّو معك وحدك الخلاص! آمين

[walaa farouk]

ميرسى على زوادة اليوم

[souad jaalouk]

ألف شكر أختي ولاء الغالية على المرور الغالي

[Mary Naeem]

آمين يا رب