نظرية النفخ في الزبادي

[walaa farouk]

مثل شهير "اللي يتلسع من الشوربة ينفخ في الزبادي" ، إشارة للدروس الذي يتعلمها الإنسان بعد ما يتلسع من الشوربة(!!) ، اقصد بعد تجربة مؤلمة أخطأ او تسرع و اندفع فيها
، و تعلم منها دروس الحرص و التأني و التعقل و الحكمة و التوازن ..

لغاية كده كويس ..

بس مرات "النفخ في الزبادي" يخليك أسير الخوف و الرعب من الدنيا و اللي فيها ، و يقتل جواك كل روح مبادرة و تفكير و إبداع و مواجهة ..

من الآخر كده يخليك "خايف من خيالك" ، ماشي في الدنيا مقهور و مكسور ..

موافقينك صدقني انك تنفخ براحتك في كل كوباية زبادي تشوفها ، لكن مش علي حساب جرأتك و شجاعة قلبك ..

و مش موافقين انك تعيش تتوقع الشر ، و تخاف من كل حاجة و اي حاجة ، و تعيش مستني فمك يتلسع من كل موضوع او فكرة و من كل حد ، تتوقع الأسوأ و تعيش أسير مخاوف وهمية جواك ..

إنما "للنفخ حدود" يا صديقي !!