زوّادة اليوم: ما تحكمو عا حدا قبل ما تتقرّبو منّو و تتعرّفو عليه 2019/7/28

[souad jaalouk]

زوّادة اليوم: ما تحكمو عا حدا قبل ما تتقرّبو منّو و تتعرّفو عليه

بيخبرو عن ملك عزم كل الناس بمملكتو عالعشا بالقصر و قلّن انّو بالآخر في مفاجأة. تجمّعو هالناس و صارو يفكرو انّو شو في ورا هالدعوة اكيد بدّو يلقطنا و يحبسنا، منّن قالو اكيد بدّو يطالبنا بديوننا اللي مش قادرين ندفعها...و صارو يرفضو الدعوة و يفلّو واحد ورا التاني الّا شب واحد بقي واقف و ما خاف و قرّر يلبّي الدعوة و يشوف شو بدّو الملك! هيك صار بقي هالشب وحدو و لمّا فات عالعشا كان في وليمة كبيرة اكل كتير حتّى شبع و بالآخر طلعت مفاجأة الملك عفو عن كل الديون و الضرايب! ربح هالشب و خسرو كل الباقيين بسبب قلّة ثقتن و احكامن عالناس! ما تحكمو عا حدا قبل ما تتقرّبو منّو و تتعرّفو عليه و ما تسمعو من الناس عن حدا، اسمعو منّو عنّو! الله معكن

[walaa farouk]

ميرسى على زواده اليوم

[souad jaalouk]

ألف شكر على مرورك الغالي أختي الغالية ولاء
ربنا يباركك

[Ramez5]

ميرسي لزوادة هذا اليوم المبارك

[بنت معلم الاجيال]

و خسرو كل الباقيين بسبب قلّة ثقتن و احكامن عالناس! ما تحكمو عا حدا قبل ما تتقرّبو منّو و تتعرّفو عليه و ما تسمعو من الناس عن حدا، اسمعو منّو عنّو! الله معكن

[Mary Naeem]

آمين يا رب